Посета на плантажа и дегустација на производи од аронија во Крушево

Плантажата со аронија е лоцирана надвор од урбано подрачје (дива природа) во подножјето на Крушево, на оддалеченост од 8 км. Плантажата е подигната во местото познато како Трстеник, се уште задржувајќи го името на селото што одамна е иселено.

Искуството од одгледувањето на оваа драгоцена култура несебично ќе ви ги пренесе чичко Илија. Надморската височина од околу 700 метри, одличната експозиција на теренот, како и струењето на воздушните маси, обезбедуваат идеални услови за развој на ова растение.

Времетраење: Оваа тура е двочасовно уживање во плантажата и во производите од аронија

Група: Турата е идеална за сите лица на секоа возраст. Потребни се минимум пет, а максимум 10 учесници

Почеток на турата: Црква „Св. Никола” во центарот на Крушево

Денови во кои се нуди турата: Сабота и недела. Турата може да се изведе и во другите денови од неделата, по претходен договор и за однапред формирани групи.