Julija Barbun

ИНСПИРАЦИЈА

Виорот од некаква твоја внатрешна инспирација која од кога си ја почувствувала не те остава на миг.

Од  која што понатаму нема назад..

После која веќе не си ист,се трансформираш,се менуваш…. се претвораш во тоа што никогаш не си ни можела да замислиш.

Инспирацијата која што ти дава нов поглед кон поинаква….ти…

Я ВСЕ СМОГУ

И да можеше се сама, сама свој мотиватор,сама свој мотор,креатор и реализатор.

Жена ураган,движечка сила кога сите стојат,таа е брза и никогаш запирлива.

Кога сите се предаваат,таа не спушта раце и никогаш не отстапува.

Таа е толку јака и тврдоглава секогаш борбено иде напред, да руши нови бариери.

Но, очите и насмевката ги откриваат најнежните нејзини мотиви. Таа милост и женственост на кревка и нежна жена која што се крие внатре во неа.

Жена за се…во која има љубов,посветеност,внимание и толеранција за сите.

Таа е права девојка, верна жена,вистински пријател…јас сум нејзината реплика, а таа е мојата

ОГАН

Жената е чист оган. Таа не се остава без надзор.

Или ќе изгасне да не можеш да ја вратиш или се ќе запали во бестрага,да не можеш ништо да спасиш.

Таа е полна со страст,енергија и пламени на емоции кои никогаш до сега не си ги осетил. Кои што те допираат со нејзиниот поглед кој што продира толку длабоко во тебе што пред да се свестиш веќе таа те има.

Затоа ако се плашиш од нејзиниот оган подобро не си играј, ќе изгориш.

РАЈ

Рај, каде што се е светло, миризливо и безгрижно. Каде што цветаат различни цвеќиња и се осеќаш мирно, топло и сигурно.

Живееш во него не знаејќи за друго….но дали и во рајот е се така розево и невино….?

Не би рекла….

СТРАВ

Страв пред непознатото…

Страв од пустош кое што го носи новото време….

А кога било по инаку?!
Новото време не научи дека нема безизлезни ситуации, излишни луѓе и случајни средби.

Ништо не е случајно и никој не е случаен…

ТИШИНА

Тука сум…дишам…постојам, а незабележива сум

Тивка, мирна и повлечена, навидум.

За сите други очи, нo не и за самата себе.

Се кријам во својот оклоп за да се спознаам себе си, за да се откријам.

Вријам во себе,горам од внатре за да изгорам….

Стоиш ти,присутен си, ме погледнуваш, а меѓу нас…..